各位訓練家們員注意啦！東京車站的Pokémon Store已經悄悄搬咗新家啦！如果你係Pokémon迷，呢個消息絕對唔可以錯過！今次就帶大家一齊睇睇新舊Pokémon Store有咩分別，同埋新店有咩特別之處！
東京車站Pokémon Store原本位於東京站一番街，但喺2024年7月10號正式搬遷到東京車站1樓(原有位置變成one piece 專門店。新店位置更加方便，無論你係從新幹線定係地鐵出站，都好容易搵到！各位記得唔好去錯啦！
新舊店舖大比拼
1. 空間更大，設計更靚
以前舊鋪雖然都幾受歡迎，但空間相對較細，人多嘅時候真係逼到傻。新店就唔同啦！面積大咗好多，設計更加現代化，仲加入咗更多Pokémon元素，例如超大隻Pikachu車長嘅裝飾，打卡位多到數唔晒！新店嘅主題色調繼承以舊鋪嘅白色同淺木色為主，但因為空間大咗，感覺更加明亮同舒適。
2. 互動體驗升級
新店唔單止係購物咁簡單，仲加入咗更多互動元素！例如有大型LED屏幕展示Pokémon TCG 嘅抽卡遊戲，仲有專屬嘅拍照區，訓練家們可以同自己最愛嘅Pokémon影相留念。
3. 限定商品更多
搬遷後嘅Pokémon Centre推出咗更多東京站限定商品！例如以東京站為主題嘅Pikachu餅乾、文具等等，絕對係其他地方買唔到嘅！比較可惜嘅係以前嘅Pikachu車長公仔唔見咗蹤影，希望新店日後可以再加推或者設計一隻全新嘅Pikachu車站公仔，訓練家們要密切留意官我地Pikabox 同埋官方消息，唔好錯過搶購機會！
Comments